唔知你有無試過屋企上唔到網約左維修， 苦等左半日， 師傅仔用左10秒就搞掂? 因為條線無事， 係個Router 出事啫， 重啟Router後就歡送師傅仔! 

但其實係咪重啟Router 就萬能呢?未必， 如果係供應商問題， 你重啟幾多次都係白做!

咁點知係Router問題定係網絡供應商問題?

「報價鴨」同你分享下如何自我檢查下!首先宜家大部份客都係用緊光纖服務，而光纖入屋基本上都有個光纖Modem。 而且現時幾間公司嘅光纖Modem通常都係同一款華為Modem。 就等我地用返哩款Modem黎做個解說， 只要明白嗰啲燈號嘅基本意思，咁你就可以大約知道要Call CS約維修定係「自修」？

「PON」如果係綠色，即係代表已連接光纖訊號，如果綠色加上閃閃下，代表訊號連接中，成功連接會變為長著。但如果係長期閃閃下，即係未能成功連接，咁你就應該要打去約維修。

「LOS」如果無著燈， 即係代表個光纖訊號本身無問題， 相反如著燈， 即代表住個訊號出現問題， 咁你都係要打去約維修。

但如果上述「PON」係綠色長著， 而「LOS」又無著， 咁基本上由網絡供應商到你個Modem哩一段都應該係正常嘅。

但係都上唔到網? 咁你就可以試下「自修」!

好多時連到WiFi但上唔到網， 其實大多係Router 出現問題， 試下重啟個Router， 多數都會變返正常。

都唔得就要CHECK下個Modem連接去Router嘅 LAN Port 是否著住綠燈及閃閃下。 如果唔著， 咁代表住Modem同個Router連接出現問題， 試下重新接駁，如果著返綠燈及閃閃下 ，又係重啟個Router多數都會變返正常。

所以下次上唔到網， 建議可以先試下初步診斷供應商條線， 如訊號正常， 跟住就重啟ROUTER。

分享