增值服務的陷阱?
日期: 2019-08-28 11:08
陷阱1: 得物無所用?
陷阱2: 被迫續約?
陷阱3: 免費試用3個月?
陷阱4: 彈正價?
CUT主PLAN， 可否CUT埋個VAS?
免費試用期後會否自動停?
問清楚幾時會彈正價?
好多電訊商都會以超低價吸客， 以一個上網PLAN為例， 幾十蚊一個月， 七除八扣後真係所餘無幾。 如是者， 吸血般的各式各樣增值服務(VAS)順應而生。
有把聲好似王祖藍嘅CS打俾你， 多謝你，為左答謝你選用我地...... ，我地有個增值服務想介紹返俾你。 每個月只需$30蚊， 你就可以升級至1000M， 由哩一刻開始， 你可能已經跌入一個陷阱。
陷阱1: 得物無所用?話說有個客打去停台， 但該一刻有一把好温柔嘅聲音同你講:「 羊生， 你仲要個升級1000M嘅增值服務未到期(中途加左個增值服務， 造成長短腳合約)， 你主PLAN停的話， 哩個都要照收錢喎。」 呀? 我條線都CUT啦， 個升級1000M升空氣咩? 係咪有啲精神分裂呢? 係「精神」，不過係「合約精神」所以你都係要找數。結果得物無所用!
陷阱2: 被迫續約?又話說有個客以脫苦海嘅心情打去停台， 一把似曾相識嘅聲音又同你講:「羊生，你仲有個VAS有仲12個月合約。」咁點呀? 唔甘心白俾， 結果唯有被迫續約囉!
陷阱3: 免費試用3個月?好多時為左令你首肯， 佢地會出無敵「試用期3個月」俾羊生你慢慢試， 試啱先買， 唔啱就打俾我地取消就得。 可借， 生活上每日已有千百萬種野要記， 三個月後大部份羊生都會唔記得。 咁幾時知呀? 收到張信用卡月結單埋知囉!
陷阱4: 彈正價?有時啲增值服務會用一個令你心動嘅價錢俾你用， 仲要係無合約， 話走就走， 「荀」。 所以羊生決定無妨一試。 結果幾個月後收到張月結單。 怒火衝天咁打去CS質問， 點知佢同你講， 原來心動價係得3個月， 無收到話CUT， 咁就變正價囉!
這陷阱這陷可以唔遇上!
CUT主PLAN， 可否CUT埋個VAS?免費試用期後會否自動停?問清楚幾時會彈正價?所以「報價鴨」建議大家唔想變羊生， 係接受一個VAS時真係要問清楚上面幾條問題， 同埋最緊要係是否啱用!
| 分享 |